Kva er formålet med marknadsføringslova i forbrukarvernet?
Marknadsføringslova har mellom anna til formål å beskytte forbrukarane mot urimelege marknadsføringsmetodar. Lova gir myndigheitene rettslege og faktiske verkemiddel for å føre tilsyn med og kontrollere at all marknadsføring går rett for seg.
Kven handhevar marknadsføringslova?
Det er oppretta to organ som skal handheve marknadsføringslova ut frå omsynet til forbrukarane. Dei to organa er Forbrukartilsynet og Marknadsrådet, jf. marknadsføringslova § 32, sjå §§ 34–39.
Kva for ein regel i marknadsføringslova kallar vi generalklausulen?
Marknadsføringslova § 2 er ein generell regel mot urimeleg marknadsføring overfor forbrukarar og mot kjønnsdiskriminerande reklame. Denne regelen blir kalla generalklausulen.
Kva er villeiande marknadsføring?
Villeiande marknadsføring er framstilling som ikkje er rett eller av andre grunnar villeiande, slik som bruk av uttrykk som «gratis» og «garanti», jf. marknadsføringslova § 6, sjå §§ 7–9.
