Øvingar side 345–346

6.3.1

Straffelova frå 2005 § 181 bestemmer straff for den som ved «annen utilbørlig atferd» forstyrrar den «alminnelege fred og orden» eller «lovlige ferdsel». Det å stille seg naken opp i ei rundkøyring er utan tvil «utilbørlig atferd». Slik åtferd er straffbar dersom ho forstyrrar på den måten paragrafen skildrar. Kristians handling er både trafikkfarleg og forstyrrande for fred og orden. Det kan derfor ikkje vere tvil om at Kristians handling er straffbar.
Kristian meiner nok at handlinga hans har heimel i EMK artikkel 9 om religionsfridom og artikkel 10 om ytringsfridom.
Artiklane 9(2) og 10(2) viser dei avgrensingane i religionsfridommen og ytringsfridommen som staten kan bestemme utan å komme i konflikt med menneskerettane. Avgrensinga må vere nødvendig i eit demokratisk samfunn for å vareta ei av dei interessene som er lista opp. I dette tilfellet er det vel «forebygge uorden» eller «beskytte helse og moral» som er aktuelt. Bruken av straffelova § 181 er derfor ikkje i strid med menneskerettane i dette tilfellet.

Undersøkinga til Fritt Ord fordelte seg slik:

Ytringsfridoms- grenser
	Heilt eller delvis samd	Heilt eller delvis usamd*	Veit ikkje
Rasistiske ytringar bør tolererast	18 %	68 %
Ytringar som hånar religion, bør vere tillatne	27 %	60 %
Ytringsfridommen bør kunne avgrensast for å sikre at folk ikkje blir trakasserte eller mobba	46 %	37 %
Kjeldevernet pressa følgjer, bør vere absolutt, sjølv når saka handlar om nasjonal sikkerheit	32 %	46 %
Staten bør kunne sensurere kunstnarar som tek imot offentleg økonomisk støtte	18 %	59 %
Tilsette ved universitet og høgskolar bør stå heilt fritt til å ytre seg	50 %	30 %
Når pressa ønskjer innsyn i offentlege dokument, må personvernet vege tyngre enn omsynet til offentlegheita	57 %	23 %
Vern av svake grupper slik som barn og unge er viktigare enn ytringsfridommen	76 %	10 %
Verksemder bør kunne avgrense ytringsfridommen tilsette for å sikre omdømmet sitt	23 %	52 %

Vi overlèt til læraren og elevane å tolke og kommentere resultata.