Teieplikt

Forvaltningslova har eigne regler om teieplikt.

1. Kvar finn vi reglane? Sjekk svar Reglane om teieplikt finn vi i forvaltningslova §§ 13-13 f.
2. Kva for omsyn ligg bak reglane? Sjekk svar Teieplikta skal hindre at sensitive data kjem på avvegar. Dette vernet gjeld både private og offentlege interesser. Teieplikta er grunngitt ut frå både omsynet til personvernet og forretningsmessige forhold og omsynet til viktige samfunnsinteresser.
3. Kva for personlege forhold er unnateke teieplikta? Sjekk svar Personlege forhold som er unnateke teieplikta, er fødestad, fødselsdato, personnummer, statsborgarforhold, sivilstand, bustad og arbeidsstad, sjå forvaltningslova § 13 andre ledd.
4. Gjeld teieplikta også etter at ein offentleg tilsett har slutta? Sjekk svar Teieplikta gjeld både i teneste og etter at tenesta er avslutta, og ein kan krevje skriftleg løfte om teielovnad, jf. forvaltningslova § 13 tredje ledd.
5. Kor lang tid varer teieplikta som hovudregel? Sjekk svar Teieplikta skal som hovudregel vare i inntil 60 år, jf. forvaltningslova § 13 c tredje ledd.