Kva slags tap kan krevjast erstatta ved personskadar?
For erstatning av personskadar er prinsippet full erstatning, jf. skadeserstatningslova § 3-1. Den skadelidde skal ikkje lide noko økonomisk tap som skaden har vore årsak til. Reglane om erstatningsutmålinga føreset full erstatning ut frå det synet at den skadelidde skal stillast økonomisk i same situasjon som før skaden.
Kva kan krevjast erstatta ved skadar på ting?
For erstatning av tingskade er prinsippet full erstatning, jf. skadeserstatningslova § 4-1. Den skadelidde skal ikkje lide noko økonomisk tap som skaden har vore årsak til. Reglane om erstatningsutmålinga føreset full erstatning ut frå det synet at den skadelidde skal stillast økonomisk i same situasjon som før skaden.
Nemn nokre døme på medverknad frå den skadelidde.
Den skadelidde kan ha passert ei sperring på fortauet og komme seg inn i eit farleg byggjeområde eller teke risikoen ved å arbeide farleg nær høgspentleidningar.
Kva har medverknad frå den skadelidde å seie for eit eventuelt erstatningsansvar?
Erstatninga kan setjast ned eller falle bort dersom den skadelidde har medverka til skaden ved eiga skuld, jf. skadeserstatningslova § 5-1.
Kva meiner vi med aksept av risiko?
Medverknad omfattar også aksept av risikoen. Fotballspelarar og andre som er med i risikosport, har akseptert ein høg skaderisiko. Dei kan da ikkje krevje skadevaldaren for erstatning når skaden rammar. Medverknad frå barn under ti år skal likevel ikkje føre til nedsett erstatning, jf. § 5-1 nr. 1 siste punktum.
Forklar kva vi meiner med lemping av erstatningsansvar.
Erstatningsansvaret kan lempast dersom retten finn det urimeleg tyngjande for den ansvarlege, jf. § 5-2. Det kan til dømes vere urimeleg tyngjande for ein skoleelev på 19 år å få eit erstatningsansvar på 500 000 kroner.
Når er lemping av erstatningsansvar aktuelt?
Vilkåret om rimelegheit i skadeserstatningslova § 1-1 er også ein lempingsregel. Dersom ein 17-åring gjer skade for 200 000 kroner, følgjer høvet til å lempe ansvaret direkte av § 1-1.