Nettressurs for ny utgave av Rettslære (2021) finner du på https://rettslaere.fagbokforlaget.no!

Ta kontakt med digital@fagbokforlaget.no for å få tilgang til denne ressursen

Eller logg inn
Rettslære 1 Rettslære 2

Alminnelig strafferett

  1. Ein eldre versjon av ei straffeføresegn (straffelova av 1902 § 352 [2]) sette straff for den som forårsaka brann ved «uforsiktig omgang med ild eller ildsfarlige stoffer». Den tiltalte hadde sett på ei 1800 watts kokeplate som blei ståande raudglødande i mange timar, for å tørke klede. Det tok fyr. Det var på det reine at handlinga var aktlaus. Kan han straffast for brot på føresegna?
  2. Straffelova § 298 om «Seksuelt krenkende atferd offentlig eller uten samtykke» lyder slik:
    «Med bot eller fengsel inntil 1 år straffes den som i ord eller handling utviser seksuelt krenkende eller annen uanstendig atferd
    1. på offentlig sted, eller
    2. i nærvær av eller overfor noen som ikke har samtykket i det.»
    Kjetil (25 år) ser ei vakker kvinne på gata og gjev henne eit tydeleg «slengkyss» og deretter eit smil. Kvinna raudnar, men smiler tilbake. Politibetjent Marte Kirkerud såg episoden. Kjetil blei teken og tiltalt for brot på straffelova § 298. Gjev føresegna heimel for å straffe Kjetil?

  3. Kari vurderer om ho skal ta livet av mannen sin, Ola. Ho kjøpte ei flaske med «rottegift» på apoteket og plasserte henne mellombels i kjøleskåpet. Ved ein feil hadde apoteket gjeve henne avføringsmiddel i staden for gift.

    Ola blei forkjølt og fann flaska i kjøleskåpet. Han trudde det var hostesaft og tok nokre kraftige slurkar. Resultatet blei ein kraftig diaré. Hendingane blei kjende for politiet. Kan Kari straffast for forsøk på drap, jf. straffelova § 275, jf. § 16?

  4. Mathilde parkerte den kostbare sykkelen sin utanfor ei daglegvareforretning der ho skulle kjøpe ei flaske med sportsdrikk. Då ho kom ut av butikken, såg ho ein tjuv som tok sykkelen og sykla av garde i full fart. Dagen etter fekk ho tilfeldigvis auge på tjuven, syklande på hennar sykkel. Mathilde kasta seg over tjuven. Med nokre velretta slag og spark klarte ho å ta sykkelen tilbake. Spørsmålet er om Mathilde skal straffast for kroppskrenking og for å ha teke sykkelen tilbake.
  5. I ein bar møtte Petter ei kranglete slåstkjempe som ville gje han juling. Petter stakk frå staden med slåstkjempa i hælane. Då dei kom til ei elvebreidd, hoppa Petter opp i ein robåt og kom seg unna ved å ro over til den andre sida. Slåstkjempa blei ståande att med knytte nevar og skreik skjellsord. Kan Petter straffast for ulovleg bruk av båten til ein annan person?
  6. Ein lege køyrer i 150 km/t og bryt dermed fartsgrensa med 70 km/t for å kome raskt til ein pasient som skal ha fått akutt hjarteanfall. Legen blir teken i fartskontroll (fotoboks). Skal han straffast for brot på føresegnene om fartsgrenser i vegtrafikklova?
  7. Jenny er psykotisk. Ho høyrer av og til stemmer og kjenner lukt utan at dette har rot i den verkelege verda. Ein dag blir ho teken av tryggleiksvakter i ei forretning då ho forsøkte å stele eit par solbriller. Kan ho straffast for mindre tjuveri (straffelova § 323)?
  8. Elvira, som hadde låg IQ, sette fyr på eit hus som brann ned til grunnen. Spørsmålet er om ho skal straffast for skadeverk (straffelova § 351).
  9. Arne eig ein stor lastebil som fraktar varer. Han bestemmer seg for å gjennomføre eit forsikringsbedrageri ved å skjere hòl i ein slange som styrer bremsekrafta. Plutseleg svikta bremsene og bilen køyrde ut av vegen i ein sving. Sjåføren, Berit, blei alvorleg skadd. Arne blir tiltalt for bedrageri mot forsikringsselskapet og kroppsskade mot Berit. Er skuldkravet oppfylt?
  10. Ronny utstyrer seg med avsaga hagle for å rane ein bank. Inne i banklokalet skrik han: «Dette er eit ran!» Deretter fyrer han av eit skot som treffer ei stor lysekrone i taket. Lysekrona fall ned og trefte ein av kundane i banken i hovudet. Kunden døydde på staden. Ronny blei redd og stakk av utan å få med seg pengar. Han blei teken kort tid etter og tiltalt for ran og drap.
  11. Else ruslar ein tur på Karl Johans gate i Oslo og møter ein mann som spør om ho er interessert i å kjøpe ein diamantring. Ringen er verd kr 20 000, men ho skal få han for kr 3000, seier han. Else tenkte at ringen kanskje kunne vere tjuvgods, men utover det hadde ho ingen tankar. Det viste seg at ringen stamma frå eit tjuveri. Kan Else straffast for heleri (straffelova § 332)?
  12. Espen har kjøpt seg ny rifle og viste henne stolt fram til kona si, Solfrid, etter at dei hadde delt ei flaske raudvin. Han retta våpenet mot ektefellen og trekte av. Ved ein feil sat det ein skarp patron i løpet. Skotet gjekk av og trefte Solfrid, som døydde på staden.