TEST DEG SJØLV side 142

Den samla formuen til ektefellane skal delast etter reglane i ekteskapslova når den første døyr. Fellesformuen skal delast på same måten som ved skilsmisse, jf. ekteskapslova § 77 som seier at ekteskapslova kapittel 12 – deling ved separasjon og skilsmisse – får «tilsvarende anvendelse». Den delen av felleseiget som den attlevande ektefellen får etter delinga, er ikkje arv! Det er den attlevande ektefellen sin rettmessige del av felleseiget. Dødsbuet er den avdøde ektefellen sin del av den samla formuen til ektefellane. Det vil seie den delen avdøde hadde av felleseiget og eventuelt særeige.

Ektefellen har rett til ein firedel av arven når det er livsarvingar, jf. arvelova § 6(1) første punktum. Han eller ho har likevel rett til ein minstearv på inntil fire gonger grunnbeløpet (4G) i folketrygda. Med G = kr 100 000 er minstearven kr 400 000.

Ektefellen har rett til halvparten av arven dersom det ikkje er livsarvingar og nærmaste slekt er foreldra eller avkom etter dei, jf. § 6(1) andre punktum. Han eller ho har likevel rett til minst 6G, kr 600 000.

Attlevande ektefelle arvar alt, jf. § 6(2).

Dersom samlivsbrotet har ført til separasjon, jf. arvelova 8, har attlevande ektefelle ikkje arverett. Uformelt samlivsbrot fører ikkje til tap av arverett.