TEST DEG SJØLV side 104

Kva for fire kategoriar av eigedelar kan ektefellar ha?
- Felleseige som kan delast i eineeige og sameige.
- Særeige som også kan vere eineeige eller sameige.
Kva er meint med skjeringsregelen i § 60?
Skjeringsregelen bestemmer ervervstidspunktet (skjeringstidspunktet) for dei eigedelane som skal vere med i delingsoppgjeret. Formue som er erverva etter skjeringstidspunktet, er delinga uvedkommande.

Skjeringstidspunktet blir bestemt slik ut frå § 60(1) bokstav a:
- Krav om separasjon kjem inn til Fylkesmannen, eller
- stemning med krav om separasjon eller skilsmisse kjem inn til retten, eller
- samlivet vart brote (dersom det skjedde først)
Vi viser elles til § 60(1) bokstavane b, c og d og § 60(2) for enkelte spesialtilfelle.

Skjeringsregelen gjeld både ved erverv av eigedelar og ved stifting av gjeld som det kan krevjast frådrag for, sjå § 60(3).
Kva for eigedelar kan haldast utanfor delinga etter § 61?
- Eigedelar som berre er til personleg bruk, til dømes klede, jf. § 61 bokstav a.
- Diverse rettar i offentlege trygdeordningar osv., sjå § 61 bokstav b.
- Andre, ikkje overdragbare eigedelar av personleg karakter, jf. § 61 bokstav c. Som døme, sjå Pokaldommen (RT-1940-379).